Ramsar. Kico e palabra su nificacion ta?

January 30, 2018

Ramsar ta un nomber unico cu un mama y tata a duna nan baby? Un app nobo-con pa jega na unda? Of tratado international?

Dia 2 di Februari ta marca e fecha cu mundo ta celebra y fecha cu a adopta e tratado International Convention on Wetlands cu a tuma lugar na e ciudad Irani, Ramsar.

Ramsar ta un nomber unico cu un mama y tata a duna nan baby? Un app nobo-con pa jega na unda? Of tratado international?

Dia 2 di Februari ta marca e fecha cu mundo ta celebra y fecha cu a adopta e tratado International Convention on Wetlands cu a tuma lugar na e ciudad Irani, Ramsar.
Aruba su Ramsar area asigna ta Spaans Lagoen. Ta importante pa preserva y tene e area den forma sano pa e por sirbi como un barera den casonan extremo di mal tempo. Na otro partinan di mundo e ta yuda speed up e proceso di recupera y bolbe bek den forma original den caso di desasternan, sirbiendo como filtronan natural y restaura nutrientenan den e suelo.

E aña aki 2017 e comittee di Ramsar Convention di Wetlands a aproba e tema  Wetlands for Disaster Risk Reduction e tema escohi tin como meta pa concientiza pueblo y pone enfoke riba e rolnan importante di wetlandsnan. Pa e wetlandsnan tin e rol aki nan mester ta den situacion sano pa yuda reduci e impacto di situacionanan extremo manera inundacion, secura of horcan. Wetlandsnan ta sirbi manera un buffer natural contra desasternan natural.

Tambe ora cu wetlandsnan ta bon maneha y protehi nan ta yuda comunidad nan recupera y pa por bai bek den forma original of hasta ta mihor prepara pa futuro eventonan desastroso.

Durante mal tempo botonan cu ta ankera dilanti Palm Beach ta bay sconde den Lagoen entre e caynan y tera firme.

Con nos por yuda mantene un wetland sano? Mester acesora cuanto wetland tin, con nan ta wordo usa of malusa? Con e wetland ta yuda proteha e area encaso di desaternan natural. Adopta practicanan cu ta segura sostenibiliad den termino largo. Esakinan ta inclui: controla piscamento illegal, y fenomeno di dumpmento di sushi. Un plan di maneho di e area cu limitenan pa cu cria y pesca y regula temporada y tipo di actividadnan permisibel den e area ta necesario. Tene e area limpi y zorg pa e canalnan di pasada di awa no ta blokea.

Lo ta hopi benificioso si organisa wetland area clean-up days. Bira un ambasador di wetland dus un persona cu ta vocifera pa protecion y maneho di e area. Uza awa conciente y cu cautela. Purba di No uza productonan toxico cu por laba bai pa un wetland. Y por ultimo, participa den accionan cu ta vocifera pa conservacion y restauracion di wetlandsnan.

Directie Natuur en Milieu kier a felicita Aruba ariba e dia aki y hasi un jamada pa yuda tene e areanan limpi. Si nota algun situacion dudoso den e area di e Spaans Lagoen por jama autoridadnan. DNM su website dnmaruba.org tin hopi informacion valioso pa cu naturalesa y medio ambiente. Bishita e site y tambe por Like nos Facebook pagina dnmaruba.

Scroll To Top
Departamento di Naturalesa y Medio Ambiente | © 2024