Empleadonan di DNM a haya nan toezichthouders landsbesluit

June 13, 2019

DNM ta felicita empleadonan cu a obtene nan autorisacion como toezichthouder. Pa e ocasion aki Minister Otmar Oduber, minister di Ruimtelijke Ontwikkeling, Infrastructuur en Milieu, a entrega e decreto nacional na: Sr. Patrick Henriquez, Sr. Ralph Thijzen y Sr. Richard Gibbs. E autoridad aki ta encera cu empleadonan por controla si (comunidad etc) ta cumpli cu e leynan stipula den e decreto nacional.

E leynan cu ta referi n’e dje ta regarda topiconan cu tin di haber cu Naturalesa y Medio Ambiente. Entrenan ta e Algemene Politie verordening (APV) y e Hinderverordening cu ta trata e cumplimento cu e ley cu ta relaciona cu e maneho di nos medio ambiente, conoci como e ordenansa di Medio Ambiente y Proteccion di Naturalesa ( Medio Ambiente y Natuurbeschermingsverordening). Nan ta bay eherce control riba e leynan stipula den e ordenansa di Medio Ambiente y Ptroteccion di Naturalesa y algun leynan stipula den e APV cu ta concerni e medio ambiente.

DNM ta mihor equipa awor cu toezichthoudersnan cu lo por eherce control riba dicho leynan. Lo por mira cu lo realisa mas trabou pa tene nos medio ambiente sano pero tambe pa proteccion di nos naturalesa. Pabien

Scroll To Top
Departamento di Naturalesa y Medio Ambiente | © 2022